«Ábý Bákir Syddyq» medresesi kolledj mártebesin ıelendi (FOTO)
Pavlodar óńirindegi «Ábý Bákir Syddyq» medresesi memlekettik jańa lıtsenzııaǵa ıe boldy. 2008 jyldan beri bilimimen de, biliktiligimen de tanylǵan kóptegen jas ıslamtanýshy, ımam hatıb mamandaryn daıarlap kele jatqan medrese kolledj mártebesin alyp otyr.
Búginde osy medreseniń túlekteri elimizdiń túkpir-túkpirinde halqyna jan aıamaı qyzmet etip, asyl dinimiz – Islamnyń qundylyqtaryn nasıhattaýda. Jataqhana, oqý korpýsy, sportzaly, kitaphanasy, lektsııalyq aýdıtorııalar, ınternet jelisine qosylǵan kompıýter zaly, ashanasy, jyly maýsymǵa arnalǵan fýtbol jáne sport oıyndary alańymen tolyq jabdyqtalǵan «Ábý Bákir Syddyq» medresesi barlyq talaptarǵa saı dep tanyldy.
Sonymen qatar bul kolledj-medreseniń aýlasynda kúndelikti dinı qyzmetke daǵdylanatyn (azan shaqyrý, namaz júrgizý, ýaǵyz aıtý, Quran oqyp berý t.s.s) «Qasym qajy» atyndaǵy záýlim meshit birge ornalasqan.
Atalmysh kolledj-medresege jalpy orta bilimi bar er balalar qabyldanady. Oqý merzimi – 2 jyl 10 aı. Stýdentter tolyqtaı tamaq jáne jataqhanamen qamtamasyz etilgen.
Medresede joǵary bilimdi ıslamtanýshy, dintanýshy mamandar dáris beredi. Olardyń ishinde arab elinen shaqyrylǵan arnaıy uctaz da bar. Iaǵnı, shákirtterdiń bilimdi de bilikti jáne salaýatty maman bolyp qalyptasýyna barlyq jaǵdaılar jasalǵan.
Kolledj atanǵan oqý ordasy bıylǵy 2020-2021 jańa oqý jylynda Qaraǵandy, Semeı, Shyǵys Qazaqstan jáne Pavlodar olystarynan eń tańdaýly 18 talapkerdi qabyldap, oqý úderisin tabysty jalǵastyrýda.
