Ádepsiz baǵdarlama kórsetkeni úshin telearna jumysyna tyıym salyndy

Kórshiles ózbek elindegi telearnalar sapynan STV arnasy alastatylyp otyr. Samarqan qalasynda ornalasqan bul telearna 21-shilde kúni amerıkandyq «Ia – legenda» atty baǵdarlamany kórsetkeni úshin osyndaı jazaǵa kesilgen. Bul jaıynda Ózbekstannyń baspa isi jáne aqparat agenttigi habarlama taratty. Atalmysh baǵdarlama Ózbekstan aýmaǵynda kórsetilmeýi tıis aqparattar tiziminde bolyp shyqqan.

Halyq sany 32 mln-nan asyp-jyǵylatyn ózbek elinde qazirgi tańda 40-tan astam telearna jumys isteıdi. Olardyń on tórti Ózbekstan Ulttyq teleradıokompanııasynyń quramynda bolsa, aımaqtyq 13 jáne 15 jekemenshik telearna bar kórinedi.

Aıta keteıik, atalmysh tyıym 27-shilde kúni kúshine enip, STV arnasy óz jumysyn toqtatqan.