Afrıka qurlyǵynda koronavırýske shaldyqqandardyń sany 170 myńǵa jaqyndady

Dúnıejúzilik Densaýlyq saqtaý uıymynyń aımaqtyq ókildiginiń málimdeýinshe, Afrıka qurlyǵy boıynsha koronavırýske shaldyqqandardyń sany 168 464-ke jetip otyr. Juqpaly indetten 4 700 jan kóz jumǵan kórinedi. Al, osy ýaqyt ishinde syrqattan aıyqqandardyń qatary 73 myńdy qurap otyr.

Koronavırýs indetin juqtyrǵan naýqastar sany tómendegi memleketter arasynda qatty baıqalýda: OAR (40 792), Egıpet (28 615) jáne Nıgerııa (11 516). Adam shyǵyny boıynsha da atalǵan memleketterde úreıli tsıfrlar boı kórsetken: Egıpet (1088), OAR (848) jáne Aljır (681).