«AIBIKE»KLÝBY ULTTYQ ONKOLOGIIa ORTALYǴYN ZIIaRAT ETTI (FOTO)

Al-Fattah meshitiniń bas ımamy Baǵdat Ábdikárimovtyń basshylyǵy aıasynda, «Aibike» qyz-kelinshekter klýby jetekshisi, ustaz Zarına Shamıdýllaqyzynyń uıymdastyrýymen Eloradadaǵy Ulttyq ǵylymı onkologııa ortalyǵynda qaıyrymdylyq sharasy ótti.

«Hadısterde aıtylǵanyndaı musylmannyń basqa musylman aldynda bes aqysy bar: sálemine jaýap berý, aýyryp qalǵanda kóńilin surap barý, janazasyna barý, qonaqqa shaqyrǵanda barý, túshkirip «Álhamdýlıllah» degen kezinde «Iárhamýkallah» dep aıtý. Maqsatymyz Alla razylyǵy úshin aýyryp jatqan adamdardyń  hál-jaǵdaıyn suraý, kishigirim syılyqtarymyzben kóńilderin qýantý hám jigerlendirý.», - dedi klýb jetekshisi Zarına Shamıdýllaqyzy.

Shara barysynda 68 adamǵa jeke qoldanýǵa arnalǵan jáne qolónerdi damytýǵa arnalǵan zattar, kitap sóresine ádebı kitaptar men «Musylman qorǵany» duǵa kitaby tartý etildi.

Marketıng, halyqaralyq yntymaqtastyq jáne baspasóz qyzmeti basqarmasynyń basshysy Janna Qaıyrbekqyzy qarsy alsa, №3 onkogematologııa kafedrasynyń meńgerýshisi Qarabaev Azat Baǵlanuly naýqastardy zııarat etýde palatarǵa jol kórsetti.

Onkogematologııalyq reanımatsııa, onkogematologııa jáne BMT ortalyǵynyń basshysy Kemaıkın Vadım Matveevıch keleshekte osyndaı ıgi bastamalar aıasynda seriktestik etýge usynys jasap, úlken alǵysyn bildirdi.

Demeýshilik kórsetken «Táp-tátti» kondıterlik jelisine, «Al-Fattah» meshitinde  ótkizilgen qaıyrymdylyq jármeńkesine atsalysqan barsha belsendilerge sheksiz alǵysymyzdy bildiremiz!

Источник: Aidos