BAS IMAMNYŃ QATYSÝYMEN “IZGILIK KERÝENI” QAIYRYMDYLYQ JOBASY JALǴASYN TAPTY

Jyl saıyn jańa oqý jyly qarsańynda uıymdastyrylatyn aktsııanyń negizgi maqsaty – áleýmettik qoldaýdy qajet etetin, kópbalaly otbasylardan shyqqan, sondaı-aq, ata-anasynyń qamqorlyǵynsyz qalǵan balalarǵa materıaldyq kómek kórsetý.

Shara barysynda 100 oqýshyǵa qajetti qural-jabdyqtar toltyrylǵan mektep sómkeleri úlestirildi. «Izgilik kerýeni» qaıyrymdylyq aktsııasy aıasynda ótken izgi sharaǵa arnaıy qatysqan Astana qalasynyń Bas ımamy Nurbek Esmaǵanbet jıylǵan oqýshylar men ata-analarǵa kele jatqan jańa oqý jylynda sáttilik tilep, oqý sómkelerin tabystady. Meshittiń bas ımamy Nurlan Ramazanovtyń bastamasymen bolǵan qaıyrymdylyq sharasy dástúrli túrde jyl saıyn ótkizilip keledi. Árdaıym meshit atynan uıymdastyrylatyn qaıyrymdylyq sharalarǵa muryndyq bolyp júretin «Saýap» belsendiler tobynyń jetekshisi Abzalbek Sultanbek bul joly da ıgi sharaǵa atsalysty. 

Ult bolashaǵy bilimdi urpaqtyń qolynda ekenin eskersek, teńizge tamyzǵan tamshydaı bolǵan bul áreket egemendi elimizdiń erteńi úshin jasalǵan ıgi isterdiń biri. Jańa oqý jylyna daıyndyq ýaqytynda qalamyzdaǵy az qamtamasyz etilgen jáne kópbalaly otbasylardan shyqqan oqýshylarǵa qoldaý kórsetkeni úshin, elordalyq balǵyndarǵa shat-shadyman kóńil-kúı syılaǵany úshin kelgen ata-analar meshit ujymyna zor rızashylyqtaryn bildirdi.

ummet.kz 

Источник: Aidos