«ÁL-FARABI» MEShITINDE ShÁKIRTTERMEN QURAN HATYM DUǴASY JASALDY (FOTO) 

Qazaqstan musylmandary dinı basqarmasy Astana qalasy ókildigine qarasty «Ál-Farabı» meshitinde shákirttermen Quran hatym duǵasy jasaldy.

Renat Japbasov bastaǵan meshit shákirtteri jınalyp, Quran betterin ózara bólip, bir ýaqytta oqyp shyqty. Berekeli jıyn sońynda oqylǵan Qurannyń saýabyn ata-baba rýhyna baǵyshtap, hatym duǵasy jasaldy.

Quran oqý úshin jınalý, birigý – jaqsy is ekenin eskersek, Ábý Huraıradan jetken hadsıte: «Allanyń úıleriniń birinde jınalyp, Allanyń kitabyn oqyǵan jáne ony bir-birine úıretken qaýymǵa tynyshtyq beriledi, raqym etiledi, olardy perishteler orap alady (qorǵaıdy), Alla olardy Óziniń quzyryndaǵy adamdardyń ishinde eske alady» - dep aıtylady.

Aıta keteıik,  Astana ókildigi boıynsha Ihsan baǵyty aıasynda Quran hatym jobasy iske asyp keledi.