«ÁL-FARABI»: «MUSYLMANNYŃ BILÝI TIIS 40 PARYZY» ZIIaTKERLIK BILIM SAIYSY ÓTTI

«Ábý Nasyr ál-Farabı» meshitinde «Musylmannyń bilýi tıis 40 paryz» kitaby negizinde zııatkerlik bilim saıysy uıymdastyryldy.

Astana qalasy meshitteriniń shákirtteri arasynda ótken bilim dodasyna barlyǵy 30 shákirt qatysyp, dinı bilimderi men izdenisterin synǵa saldy. Saıys barysynda qatysýshylar kitapta qamtylǵan musylman balasy bilýi tıis negizgi dinı mindetter men qundylyqtarǵa qatysty saýaldarǵa jaýap berip, bilim deńgeılerin kórsetti.

Bilim saıysyna «Áziret Sultan» meshitiniń naıb ımamy Mahmýd Qasym, «Nur-Sultan» meshitiniń naıb ımamy Orazov Ádilhan jáne «Ábý Nasyr ál-Farabı» meshitiniń naıb ımamy Ǵazız Ahmet qazylyq jasap, shákirtterdiń bilimin saralady. Tartysty ótken saıystyń qorytyndysy boıynsha júldeli oryndar tómendegideı anyqtaldy:

I oryn – Jomart Abdýlkarım «As-Salam» meshitiniń shákirti – 100 000 teńge

II oryn – Qalı Dastan «Yryskeldi qajy» meshitiniń shákirti – 70 000 teńge

III oryn – Azım Meırambek «Nur-Sultan» meshitiniń shákirti – 50 000 teńge

Júldegerler arnaıy marapattalyp, aqshalaı syılyqtarǵa ıe boldy. Bul saıys shákirtter úshin óte paıdaly ári taǵylymdy boldy. Qatysýshylar óz bilimderin synap qana qoımaı, bilmegenin úırenip, bilgenin bekitýge múmkindik aldy. Bilim dodasy shákirtterdiń izdeniske degen yntasyn arttyryp, dinı bilimdi tereńirek meńgerýge jigerlendirdi. Osyndaı ıgi saıystardyń jıi uıymdastyrylýy – bilimge qushtar, sanaly urpaq tárbıeleýge qosylǵan mańyzdy úles.