ÁL-FARABI QOLJAZBASYNYŃ KÓShIRMESI JARYQQA ShYQTY
Qoljazbalar jáne sırek kitaptar ulttyq ortalyǵynyń mamandary Túrkııadan tabylǵan uly oıshyl, ǵulama, ǵalym Ábý Nasyr ál-Farabı qoljazbasynyń kóshirmesin jaryqqa shyǵardy.
Uly oıshyldyń biregeı qoljazbasy Túrkııaǵa jumys sapary kezinde Súleımanııa kitaphanasynan tabyldy.
"Mýzyka salasyna kirispe" eńbegi 1257 jyldyń 3 maýsymynda jaryq kórgen. Arab tilinde jazylǵan qoljazba 243 betten turady. Atalǵan týyndy kúni búginge deıin tolyq zerttelmegen.
Restavrator maman Janserik Beısenqulovtyń aıtýynsha, qoljazbanyń kóshirmesi tabylǵannan keıin úsh apta ishinde basyp shyǵarylǵan.
«Mýzykalyq salaǵa kirispe» qoljazbasy úsh bólimnen turady.Eńbekte mýzykalyq ónerdiń prıntsıpteri, negizgi termınder jáne mýzyka páni qamtylǵan. Kitapta mýzykalyq aspaptar men ár túrli áýenderdiń shyǵarmalaryna, kategorııasyna jáne basqa da aspektilerine keńinen toqtalǵan.
Qoljazbalar jáne sırek kitaptar ulttyq ortalyǵynyń mamandary 2022 jyly "Arhıv-2025" jobasy aıasynda Reseı, Tatarstan jáne Bashqurtstan Respýblıkalary, Túrkııa, Vengrııa, Úndistan, Iran Islam Respýblıkasy, Mysyr jáne Katar memleketterine 11 ǵylymı-izdestirý jumystaryn júrgizdi. Olar tarıhı qujattardy zertteý jáne saqtaý boıynsha túrli jobalardy iske asyrdy.
Mamandar otandyq jáne sheteldik arhıvter men mýzeılerden kitaphanalar men ǵylymı ortalyqtardan Qazaqstan tarıhy boıynsha qujattar men materıaldardy izdeý-anyqtaý, kóshirmesin alý jumystaryn júrgizip, tarıhı qujattardyń kóshirmelerin elge ákeldi.
QR MAM arhıv, qujattama jáne kitap komıtetiniń tóraǵasy Qýat Borashtyń aıtýynsha, qazirgi tańda tarıhymyzdyń aqtańdaq betterin túgendep, tyń derektermen tolyqtyrý maqsatynda elge jetkizilgen qoljazbalar men arhıvtik qujattar mamandardyń qatysýymen zerttelýde.
Barlyq qujattardy ǵylymı aınalymǵa engizý josparlanǵan.
Источник: Aidos
