«ÁL-FARABI»MEShITINDE QURBAN AIT QAIYRYMDYLYQ JÁRMEŃKESIMEN JALǴASTY (FOTO)

Qurban aıt meıramy elordalyq turǵyndar men qala qonaqtary úshin sán-saltanatymen atalyp ótilýde.

«Ábý Nasyr ál-Farabı» meshitinde Qurban aıt meıramynyń qurmetine oraı dástúrli qaıyrymdylyq jármeńkesi ótti. Qaıyrymdylyq jasaýdy kózdegen jármeńkege meshit ustazy Aıgerim Qadyl men meshit janyndaǵy «Jibek» qyz-kelinshekter klýby, qyz balalardan quralǵan shákirtter tolyqtaı atsalysty.

Qaıyrymdylyq jármeńkede taǵamdar, táttiler, toqashtar jáne kúndelikti tutynýǵa arnalǵan dinı zattar usynyldy. Sharanyń maqsaty – jármeńke qarajatymen muqtaj jandarǵa qaıyrymdylyq kórsetý. Jármeńkedegi túrli tátti taǵamdardy «Ábý Nasyr ál-Farabı» meshitiniń áıel jamaǵaty usyndy.

Ardaqty Paıǵambarymyzdyń (s.ǵ.s): «Adamdardyń eń qaıyrlysy – ózgege paıdasy tıgeni» degen izgi ósıetine amal etken meshit shákirtterine alǵys bildiremiz.

Источник: Aidos