«ÁL-FARABI»: QURBAN AIT QURMETINE BALALARǴA TÁTTILER TARTÝ ETILDI (FOTO)

Búgin «Ábý Nasyr ál-Farabı» meshitindegi «Imanı jaz - 2024» kýrsynyń oqýshylaryna táttiler úlestirildi.

Halqymyzda «Qýantqyń kelse — balany qýant, berseń balaǵa ber! Olar bergenińdi sharyqtaǵan shattyqpen, shynaıy nıetpen qabyldap, rııasyz qýana alatyn jandar – balalar» degen danalyq bar. Rasymen de, balanyń qýanyshynan artyq jaqsylyq joq shyǵar...

Qasıetti Qurban aıt meıramynyń qurmetine oraı meshit ujymy balalardy táttilermen qýantty. Jazǵy saýat ashý kýrsynda bilim alyp jatqan 180 balaǵa meshit ustazdary tarapynan Qurban aıt týraly kórkem mysaldar men aıt meıramynyń shyǵý tarıhy men ádepteri jaıly keńinen maǵlumat berildi. Ustazdarynan aıttyq syılyq alǵan kishkentaı shákirtter máz-meıram bolyp, alǵystaryn bildirdi.