«Ál-Farabı»: «Sóz óneri: Daýys jáne dıktsııa» semınary ótti (foto)

Búgin «Ábý Nasyr ál-Farabı» meshitinde ımamdardyń biliktiligin arttyrý maqsatynda «Sóz óneri: Daýys jáne dıktsııa» semınary ótkizildi.

Meshit ımamdary jáne qala meshitteriniń ımamdaryna «Qazaq» radıosynyń dıktory Muhammed Álı Bolatuly sóz óneri, sheshendik óner, saýatty sóıleý men daýys pen dıktsııanyń mańyzdylyǵy jaıynda arnaıy dáris oqydy.

Lektor Muhammed Álı Bolatuly ult ustazy Ahmet Baıtursynulynyń «Ádebıet tanytqysh» eńbeginen birneshe mysaldar keltirip, sóz óneriniń adam ómirindegi mańyzyn tilge tıek etti.

Imamdar jamaǵatqa nasıhat aıtarda daýys jáne dıktsııanyń durys bolýyna mán berýi kerek ekendigin, sheshendik óner, sóz óneri, sózdik qordyń baı bolýy aldymen adamnyń ózine oń nátıje beretinin baıandady. Sondaı-aq, adamdardyń keıbir dybystarǵa tili kelmeı qalatyn jaǵdaıdyń aldyn alý sharalary men saýatty sóıleýdi damytatyn tásildermen bólisti.

Kópshilik aldynda sóıleý kezinde úndik (daýystyq) akýstıkany umytýǵa bolmaıtynyn, sheshen adamnyń sózi bir saryndy bolmaýy kerek ekenin, el aldynda nasıhat aıtatyn adam tildegi árbir sózge kóp kúsh-jiger jumsaý kerektigin atap ótti.

Imamdarǵa paıdaly bolǵan semınar sońynda spıker Muhammed Álı Bolatuly qoıylǵan saýaldarǵa naqty, tushymdy jaýap berdi.