«AL-FATTAH»: «AIBIKE» QYZ-KELINShEKTER KLÝBY QAIYRYMDYLYQ KEShIN ÓTKIZDI (FOTO)

QMDB Astana qalasy ókildigine qarasty «al-Fattah» meshiti janynan ashylǵan «Aıbıke» qyz-kelinshekter klýbynyń uıymdastyrýymen «Meıirimge toly Ramazan» atty qaıyrymdylyq sharasy bolyp ótti.

«al-Fattah» meshitiniń bas ımamy Baǵdat Ábdikárimovtyń qoldaýymen júzege asqan ıgi sharada jalǵyzbasty jáne múgedek balalaryn tárbıelep otyrǵan analarǵa, áleýmettik qoldaýǵa muqtaj, turmystyq jaǵdaıy tómen 40 otbasyǵa aýyzashar dastarhany jaıyldy. Sondaı-aq, «Balyq berme, qarmaq ber» ósıetin negizge ala otyryp, ártúrli sala boıynsha aqyly kýrstarǵa tegin joldamalar berildi.

Atap aıtsaq, onyń ishinde shashataraz, balalarǵa arnalǵan massaj mamany, kýlınarııa, býhgalter, shokoladty qulpynaı, psıholog, nýtrıtsıolog, ulttyq shapan tigý kýrsy, bet kútimi, hıjama, ıgloterapııa salalarynyń kýrstary qamtylǵan.

Klýb jetekshisi Zarına Shamıdollaqyzy jamaǵatqa aıtqan alǵy sózinde: «Búgin sizderge óz nápaqalaryńyzdy erkin taba alýlaryńyz úshin, eshkimge qol jaımaı eńbek etýlerińiz úshin jáne árbirińiz bir-bir maman ıesi bolýlaryńyz úshin osy sertıfıkattar tabystalyp otyr. Bul sizderge berilip otyrǵan Allanyń meıirimi. Jáne úlken múmkindik dep qabyldańyzdar!», - dep atap ótti.

Demeýshiler tarapynan júzege asyp otyrǵan qaıyrymdylyq sharasyna jumsalǵan qarajat: 4 400 000 teńgeni qurady.