«AL-FATTAH» MEShITI MÚMKINDIGI ShEKTEÝLI JANDARǴA AÝYZAShAR KEShIN ÓTKIZDI (FOTO)

Astana qalasy ókildigine qarasty «Al-Fattah» meshitiniń uıymdastyrýymen elordadaǵy «Mereke Hall» meıramhanasynda qoǵamdyq uıymdarǵa «Qosh keldiń, Ramazan» atty merekelik aýyzashar berildi. 

Aýyzasharǵa «Jasnur» estý qabiletinen aıyrylǵandar qaýymdastyǵy, kórý qabiletinen aıyrylǵandar qaýymdastyǵy, qarttar úıi, kóp balaly jáne muqtaj otbasylar sondaı-aq S. Nárikbaev atyndaǵy qazaq gýmanıtarlyq zań ýnıversıtetiniń stýdentteri qatysty. 

Rýhanı keshte qatysýshylarǵa ýaǵyz-nasıhat jasalyp, dombyradan kúı kúmbirlep, dástúrli ánder aıtyldy. Is-shara munymen shektelip qalǵan joq. Kelýshi qonaqtarǵa syı-syıapattar tabystalyp, uıymdastyrýshylar barlyǵyna kóterińki kóńil kúı men qýanysh syılady. 

Berekeli jıyn sońynda qasıetti Quran aıattary oqylyp, bata jasaldy. Aq jaýlyqty analarymyz óz rızashylyqtaryn bildirip, meshit qyzmetkerlerine aqjarma tilekterin jaýdyryp jatty.