«ÁL-FATTAH» MEShITINE JAŃA NAIB IMAM TAǴAIYNDALDY (FOTO)

25 naýryz 2023 2672 0
Оqý rejımi

Jaqynda ǵana Elorda jamaǵatyna esigin aıqara ashqan «Ál Fattah» meshitiniń qyzmetkerler quramy kún sanap bilikti mamandarmen tolyǵý ústinde. Juma kúni Astana qalasyndaǵy on tórtinshi qulshylyq ordasyna QMDB tóraǵasy, Bas múftı Naýryzbaı qajy Taǵanulynyń buıryǵymen jańa naıb ımam taǵaıyndaldy.

Juma namazyna jıylǵan jamaǵatqa «Ál Fattah» meshitiniń bas ımamy Baǵdat Abdýkarımov Bas múftı buıryǵyn oqyp berip, jańa naıb ımam Ótkelbaev Baqytjan Múptıádilulyn tanystyryp ótti. Asyl dinimizdiń jolynda aıanbaı qyzmet etýdiń saýapty hám jaýapty mamandyq ekenin eske salǵan Baǵdat Abdýkarımov Baqytjan ustazdyń bilikti maman ekenin atap ótti. Sondaı-aq, jańa ashylǵan qulshylyq ordasynyń jumysyn jandandyrýǵa úndedi. Elordada jalǵasqan eńbek jolynyń jemisti bolýyn tilep, jańa qyzmetine sátttilik tiledi.

Ótkelbaev Baqytjan Múptıádiluly 1980 jyly 14 naýryzda  QR Túrkistan oblysy, Shardara aýdany, Dostyq eldi-mekeninde dúnıege kelgen.

BILIMI: Joǵary, dintaný magıstri

EŃBEK JOLY: 2002-2005 jj. «Halyqaralyq qazaq-arab» ýnıversıtetinde oqytýshy.
2005-2006    jj. Almaty qalasyndaǵy №139 mektep-gımnazııada muǵalim. 
2006-2007 jj. Respýblıkalyq «Rahmet samaly» dinı tanymdyq, tarıhı-mádenı jýrnalda jaýapty redaktordyń orynbasary.
2007-2009 jj. QMDB-nyń «Shymkent» medresesiniń dırektor orynbasary.
2009-2012 jj. QMDB-nyń «Astana» medresesiniń dırektor orynbasary, oqý bóliminiń meńgerýshisi. 
2012 jyldyń shildesinen bastap qazirgi qyzmetine  deıin QMDB-nyń «Áziret Sultan» meshitinde naıb ımam qyzmetinde boldy.
Ortalyq meshitte Ihsan ilimi, din men dástúr, BAQ baǵyttaryna jaýapty. 
2015 jyldan bastap Astana qalasy ákimdiginiń janynan qurylǵan Jergilikti aqparattyq-túsindirý tobynyń (JATT) múshesi.
2016 jyldan bastap QR AQDM Din isteri komıtetiniń janynan qurylǵan Respýblıkalyq aqparattyq-túsindirý tobynyń (RATT) múshesi.

Pіkіrler Kіrý