Álemdegi eń iri kitap jármeńkesi Dýbaıda ótetin bolady
Qazan aıynyń 18-28 aralyǵynda Dýbaı qalasynda álemdegi eń iri kitap jármeńkesi ótetin bolmaq. Big Bad Wolf Books degen ataýmen ótetin jármeńke sórelerinde bul kúnderi úsh mıllıonnan astam kitap satylymǵa shyǵarylady.
Táýlik boıy tynbastan jumys jasaıtyn jármeńkeniń taǵy bir «jaqsylyǵy» – kitaptar 50-80 jeńildikpen satylatyn bolady. Dubai Studio City ortalyǵynda, tipti, kelýshiler úshin arnaıy arbashalar da daıyndap qoıǵan kóirnedi.
Big Bad Wolf Books kompanııasyn 2009 jyly qarapaıym malaızııalyq otbasy uıymdastyrǵan bolatyn. Olar osy eldegi saýattylyq deńgeıiniń óte tómendigine alańdaýshylyq bildirip, 2006 jyly Kýala-Lýmpýrde kitap dúkenderin ashqan. Alaıda, el saýattylyǵyn kóterý úshin kitap dúkenderiniń áseri az ekendigin eskergen erli-zaıyptylar aýqymdy kitap jármeńke uıymdastyrý jumystaryna kirisedi.
Qazirgi ýaqytta jármeńke aıasynda Kýala-Lýmpýr, Djakarta, Manıla, Sebý, Kolombo, Bangkok, TaıbEe qalalarynda satylmaı qalǵan kitaptar arzan baǵamen aýqymdy aýdıtorııaǵa biraq taratylyp keledi.
