«ALLAǴA BIR QADAM»: Meshit shákirtterine arnalǵan rýhanı kesh ótti (FOTO)

QMDB Nur-Sultan qalasy ókildigi Áıel-Qyzdar sektorynyń uıytqy bolýymen «Allaǵa bir qadam» atty rýhanı kesh bolyp ótti. Respýblıkalyq «Áziret Sultan» meshitiniń bıylǵy shákirtterin ilim jolyndaǵy alǵashqy qadamdarymen quttyqtap, ilim jolyndaǵy izdenisterine ushtaı túsýge arnalǵan keshke Dinı saýat ashý kýrsynyń 60-tan astam shákirti qatysyp, rýhanı taǵylym alyp qaıtty. Sondaı-aq, rýhanı kesh dastarhanyna ustazdar qaýymy men qurmetti qonaqtar shaqyrylyp, ýaǵyz-nasıhat aıtylyp, Quran hatym duǵasy jasaldy.

Qasıetti Quran aıattarymen bastalǵan berekeli kesh barysynda ulttyq aspaptarymyzǵa da kezek berilip, án men kúıden shashý shashyldy. Arnaıy sahnalyq kórinister de qoıylyp, kórermenniń kóńilin bosatyp, kózine jas uıalatty. Áıel-qyzdar sektorynyń jetekshisi, ustaz Dınara Qutqojaqyzy shákirtterge quttyqtaý lebizin bildirip, búgingi keshtiń mańyzdylyǵyn atap ótti.

Kesh sońynda shákirtterge arnaıy syılyqtar tartý etilip, aldyńǵy tolqyn apa-ájeleri aq batalaryn berdi.

Sýretter toptamasyn «FOTOGALEREIa» aıdarynan kóre alasyzdar!