Almatyda din qaıratkerlerin aqtaýǵa arnalǵan konferentsııa ótýde (FOTO)

Búgin Almaty qalasyndaǵy Nur-Múbarak ýnıversıtetiniń ǵımaratynda Qazaqstan musylmandary dinı basqarmasy jáne Fılosofııa, saıasattaný jáne dintaný ınstıtýtynyń uıymdastyrýymen «QAZAQSTANDAǴY «DIN DÚRBELEŃI»: KEŃESTIK BILIKTIŃ DINGE QARSY REPRESSIIaLYQ ShARALARY» respýblıkalyq ǵylymı-tájirıbelik konferentsııasy bastaldy.

Alqaly jıynda aldymen saıası qýǵyn-súrgin kórgen din qaıratkerleriniń rýhyna Quran baǵyshtalyp, duǵa jasaldy. Konferentsııa QMDB Tóraǵasy, Bas múftı Naýryzbaı qajy Taǵanulynyń baıandamasymen ashyldy.

Sondaı-aq jıynda Nur-Múbarak ýnıversıtetiniń prorektory Qaırat Qurmanbaev, Fılosofııa, saıasattaný jáne dintaný ınstıtýtynyń dırektory Serik Seıdýmanov, fılosofııa ǵylymdarynyń doktory Amangeldi Aıtaly, UǴA akademıkteri, tarıh ǵylymdarynyń doktorlary Mámbet Qoıgeldıev, Talas Omarbekov, Darhan Qydyráli, Saıası qýǵyn-súrgin qurbandaryn tolyq aqtaý jónindegi memlekettik komıssııanyń Dástúrli din ókilderin zertteý jumys tobynyń músheleri Baqytjan Satershınov, Rahym Beknazarov, Dosaı Kenjetaı, Iýlııa Shapoval, sondaı-aq QMDB Ǵulamalar keńesiniń músheleri Shamshádın Kerim, Muhan Isahan, Tóreáli Qydyr t.b tarıhshy ǵalymdar baıandama jasaıdy.

Baıandamashylar saıası qýǵyn-súrgin tarıhyndaǵy din ókilderi men keńestik bıliktiń dinge qarsy repressııalyq sharalary jaıly baıandaıdy. Jıyn sońynda konferentsııa jumysy qorytyndylanyp, arnaıy qarar qabyldanbaq.