ALMATYDA SARAPShYLAR KEŃESINIŃ KEZEKTI MÁJILISI ÓTÝDE (FOTO)

Búgin Almaty qalasynda Bas múftı Naýryzbaı qajy Taǵanulynyń tóraǵalyǵymen Qazaqstan musylmandary dinı basqarmasy janyndaǵy Sarapshylar keńesiniń jetinshi májilisi ótýde.

Keńes jumysyn ashqan Naýryzbaı qajy Taǵanuly: «Ózderińizdiń belsendi jumystaryńyzdyń nátıjesinde dinı salada týyndaǵan ózekti máselelerge qatysty tıisti sheshim qabyldap kelemiz. Qazir bárimiz úshin jaýapty kezeń. Óıtkeni dástúrimiz ben dinimizdiń asyl qundylyqtaryn mansuqtaýǵa tyrysyp jatqan toptar qoǵamǵa ózderiniń teris pıǵyldaryn tańýda. Bul rette biz de belsendi jumys istep, tıisti qadamdar jasaýymyz kerek», – dedi.

Májiliste túrkitildes memleketteri múftıler alqasynyń «Islam jergilikti halyq dástúrin qoldaıdy» Qararynyń mátini, jat dinı aǵymdardyń áleýmettik jelilerdegi ıdeologııalyq jumystaryna toıtarys berý, qaıyrymdylyq aktsııalary boıynsha qarajat jınaý jumysyn júıeleý, birkelki tártip ornatý syndy máseleler talqylanýda.

 

​

Источник: Aidos