Áljan ana rýhyna Quran baǵyshtalyp, qaıyrymdylyq sharasy jasaldy (FOTO+VIDEO)

03 naýryz 2021 3887 0
Оqý rejımi

Búgin Nur-Sultan qalasyndaǵy «Áljan ana» meshitinde erekshe shara bolyp ótti. Qulshylyq ordasyna esimi berilgen Áljan Jatqanbaıqyzynyń dál osy kúni dúnıeden ozǵanyna oraı QMDB Nur-Sultan ókildigi qyzmetkerleriniń qatysýymen arnaıy Quran baǵyshtaldy. Elbasydaı kemeńger azamatty dúnıege ákelip, el tizginin ustaǵan qaıratker bolyp qalyptasýyna yqpal jasaǵan asyl ananyń jaqsy qasıetteri men sıpattary jaıly aıtylyp, Jaratýshy Iemizdiń shapaǵatyn surady.

Sondaı-aq, búgingi jıynnyń jalǵasy retinde qaıyrymdylyq sharasy uıymdastyrylyp, Elordamyzdaǵy 300 muqtaj otbasyǵa azyq-túlik sómkeleri taratyldy. Nur-Sultan qalasynyń bas ımamy Erbolat Júsipov ıgi sharaǵa arnaıy qatysyp, Bas múftı Naýryzbaı qajy Taǵanulynyń duǵaı sálemin jetkizdi. Jıylǵan jamaǵatqa azyq-túlik sómkelerin tabystap, búgingi sharanyń mańyzdylyǵyn atap ótti.

Aıta keteıik, «Áljan ana» meshitiniń bas ımamy Serikbaı Ádilhannyń uıytqy bolýymen naýryz aıynyń 3-juldyzynda bul ıgi dástúr birneshe jyldan beri úzbeı ótkip keledi. Bıylǵy karantın rejımine sáıkes marqumdy eske alý rásimi tek qaıyrymdylyq sharasyn ótkizýmen shektelip otyr. Meshit qyzmetkerleri jáne erikti jamaǵattyń atsalysýymen barlyq azyq-túlik sómkeleri kórsetilgen mekenjaıǵa jetkizilip berildi.

Sýretterdi «FOTOGALEREIa» aıdarynan kóre alasyzdar!

 

Pіkіrler Kіrý