«AQ MESHIT»: KÓShE TAZALYQShYLARYNA YSTYQ TAMAQ ÚLESTIRILDI (FOTO)

QMDB Astana qalasy ókildigine qarasty «Aq meshit» meshitiniń uıymdastyrýymen «Sýyq kúnde jylý syıla» atty qaıyrymdylyq aktsııasy uıymdastyryldy. 

Qulshylyq úıiniń bas ımamy Dáýren Múslimovtiń basshylyǵymen júzege asyp otyrǵan is-sharanyń maqsaty – qaqaǵan aıazda qıyn jaǵdaılarda eńbek etip júrgen tazalyq qyzmetkerlerine kómek kórsetý jáne olardy qoldaý.

Aktsııa barysynda kóshe tazalyǵyn qamtamasyz etip júrgen azamattarǵa arnaıy daıyndalǵan ystyq tamaq pen sháı taratyldy. Sharaǵa meshittiń belsendi jamaǵaty men eriktiler de atsalysty. Qatysýshylar aıazdy kúnderde kóshe tazalaý jumystaryn atqaryp júrgen jandardyń eńbegi zor ekenin atap ótip, olardyń jumysyna rızashylyq bildirdi.