«AQ MESHIT» MEShITINDE ALLA ELShISINIŃ (S.Ǵ.S.) ATYNAN QURBANDYQ ShALYNDY (FOTO)

Qasıetti Erejep aıynda «AQ MESHIT» meshitinde Paıǵambarymyzdyń (s.ǵ.s.) atynan nápil qurban shalyndy.

Sharaǵa Astana qalasynyń ókili, "Áziret Sultan" meshitiniń Bas ımamy Erbolat Nuryldauly, «AQ MESHIT» meshitiniń bas ımamy Dáýren Múslımov jáne meshit qyzmetkerleri men jamaǵat belsendileri qatysty.

Islam tarıhynan áziret Álıdiń (r.a.) ómirden ozǵansha jylda hám óziniń, hám Alla Elshisiniń (s.ǵ.s.) atynan eki qurban shalǵany belgili. Sebebin suraýshylarǵa: «Allanyń Elshisi (s.ǵ.s.) keýdemde janym bar kezde Ózi úshin qurbandyq shalýymdy ósıet etken», - dep jaýap bergen.

«AQ MESHIT» meshitiniń jamaǵaty osynaý ıgi dástúrdi ustanyp, jylda Alla Elshisiniń (s.ǵ.s.) atynan qurban shalyp, etin muqtaj otbasylarǵa úlestirip keledi. Bıyl da qaıyrymdylyq sharasynda 260 kg et  40 jýyk  otbasyǵa teńdeı bólinip, janyna jemis-jıdek salynǵan qorjynymen qosa, jalpy  600 myń teńge kóleminde qaıyrymdylyq sharasy  jasaldy.

Paıǵambarymyzdyń (s.ǵ.s.) shapaǵatynan úmit etip, osynaý izgi amalǵa atsalysqan barlyq azamattardyń nıeti qabyl bolsyn!