AQSh bıligi musylmandarǵa 340 keli tartatyn syılyqty qaıtaryp berdi

Amerıkalyq musylman quqyqqorǵaýshylary ózderiniń AQSh bıligimen aradaǵy sotta jeńiske jetkenderine erekshe qýanýda. Osylaısha, Vırgınıa shtatyndaǵy Manassas qalasynyń meshitine Iran elinen arnaıy jiberilgen syılyq aqyry tabystalatyn bolady.

Aıta keteıik, ırandyqtar jibergen Quran aıattary órnektelip jazylǵan alyp taqtaıshany shekara kúzeti tárkilegen bolatyn. Salmaǵy 340 keli tartatyn syılyqty olar basynda ne syndyryp qurtýǵa, ne qaıtadan Iranǵa jiberýge múddeli bolǵan. Degenmen, meshit ımamy Abýlfazl Nahıdıan bastaǵan top baǵaly syılyqtyń qulshylyq ordasyna qaıtarylýyn talap etip, aqyr sońynda jeńiske jetip otyr.

«Elimizdegi din bostandyǵyn kórsetetin mundaı sheshimderge qýanyshymyzdy bildiremiz! Kez kelgen amerıkalyq óziniń dinı senimine qatysty dúnıelerge emin-erkin qol jetkize alý tıis», – deıdi Amerıka-Islam qatynasy jónindegi Keńestiń dırektor orynbasary Edvard Ahmed Mıtchell.