AQTAÝ QALASYNDA HII RESPÝBLIKALYQ BAIQAÝY BASTALDY (FOTO)

Búgin Aqtaý qalasynda HII respýblıkalyq «Quran Kárimdi jatqa jáne mánerlep oqý» baıqaýy bastaldy.

Igi is-sharanyń ashylý rásiminde Bas múftı Naýryzbaı qajy Taǵanuly: «Búgin áýlıeler mekeni – Mańǵystaý oblysynda «Beket ata» meshitinde respýblıkalyq deńgeıde qarılar arasynda qasıetti Quran Kárimdi jatqa jáne mánerlep oqýdan on ekinshi ret baıqaý uıymdastyryp otyrmyz. Baıqaýǵa qatysýshylar Quran Kárimniń 30 parasyn, 20 parasyn, 10 parasyn jatqa jáne mánerlep oqý nomınatsııalary boıynsha baq synaıdy. Baıqaýǵa 80 úmitker qatysýda.

Qatysýshylarǵa qoıylatyn basty talaptyń biri – Quran erejesine saı jatqa jáne mánerlep oqý. Allaǵa sansyz shúkir, elimizde jyl sanap qarılarymyzdyń qatary artyp keledi. Búgingi baıqaýdy uıymdastyrýdaǵy maqsatymyz – qoǵamda Quranǵa degen qurmetti arttyrý, shákirtterdi Quran jattaýǵa jigerlendirý, jalpy halyqqa Quran qundylyqtaryn nasıhattaý» dedi.

​