AQTAÝDA HALYQARALYQ FORÝM ÓTTI

20 shіlde 2022 1221 0
Оqý rejımi

Aqtaý qalasynda «Ortalyq Azııadaǵy memleket jáne din qatynastary: qazirgi jaı-kúıi men perspektıvalary» atty halyqaralyq forým ótti.

Halyqaralyq forýmǵa Mańǵystaý oblysynyń ákimi Nurlan Noǵaev, Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, Túrkııa Respýblıkasy Ankara qalasy Hett ýnıversıtetiniń teologııa fakýltetiniń dotsenti, professor Mehmet Evkýran, Qyrǵyz Respýblıkasy Prezıdentiniń janyndaǵy Ulttyq birlik pen dinı saıasatty nyǵaıtý jónindegi sarapshylyq keńestiń múshesi Mametbek Toktomýshevıch Myrzabaev, L.N.Gýmılev atyndaǵy Eýrazııa ulttyq ýnıversıtetiniń dotsenti, fılosofııa ǵylymdarynyń doktory Keńshilik Tyshhanuly, Halyqaralyq Ekspert, tarıh ǵylymdarynyń doktory, professor Áshirbek Múmınov, oblys bas ımamy Ánýar Izimbaıuly, sheteldik qonaqtar, oblystardyń din isteri basqarmalarynyń basshylary, dintanýshy, sarapshy ǵalymdar, quqyq qorǵaý jáne arnaıy organdardyń basshylary, qala, aýdan ákimderi, basqarma basshylary, bilim berý uıymdarynyń basshylary, aqparattyq túsindirý tobynyń músheleri, din qyzmetkerleri qatysty.

Halyqaralyq forým aıasynda Ortalyq Azııadaǵy dinı salasyna qatysty máseleler talqylandy, sonymen qatar jastar arasynda dinı Ekstremızm men destrýktıvti aǵymdardyń aldyn alý máseleleri kóterildi. Jıynda sóz alǵan aımaq basshysy jastardyń ómiri men psıhıkasyna teris áser beretin dinı aǵymdardyń qaýipine toqtalyp, jastardyń ózge aǵymdardyń jeteginde ketip, japa shegip qalmasy úshin dinı saýattylyqty arttyrý kerek ekenin atap ótti. Al bas ımam Ánýar Izimbaıuly Ortalyq Azııadaǵy jáne sonyń ishindegi Qazaqstandaǵy dinı ahýaldyń turaqtylyǵyna Qazaqstan musylmandary dinı basqarmasy da musylman qaýymynyń dinı, rýhanı qajettiligin qanaǵattandyryp, respýblıka aýmaǵyndaǵy meshitter men dinı aǵartýshylyq jumystarynyń sapaly, turaqty jáne tıimdi qyzmet kórsetýine dinı radıkalızmmen kúresýde nátıjeli jumystar atqaryp keletindigin tilge tıek etti.

Forým aıasynda birqatar qatysýshylar «Qazaqstandaǵy dinı qatynastar», «Ultaralyq tatýlyq pen dinaralyq kelisimniń saqtalýynda Qazaqstan musylmandary dinı basqarmasynyń róli», «Memleket jáne din qatynastaryndaǵy ǵulamalardyń orny men mańyzy», t.b. taqyryptarda baıandama jasady.

Plenarlyq májilis otyrysynan keıin forým jumysy sektsııalyq otyrystarmen jalǵasty.

Pіkіrler Kіrý