«ÁR-RAHMAN» MEShITINIŃ ShÁKIRTTERI MEN QYZMETKERLERI MARAPATTALDY (FOTO)

Qazaqstan musylmandary dinı basqarmasy Astana qalasy ókildigine qarasty «Ár-Rahman» meshitinde Quranǵa túsken 20 shákirtke ókildik atynan arnaıy sertıfıkattar tabystaldy.

Quran Kárim aıattarymen bastalǵan sharada Astana qalasynyń Bas ımamy Erbolat Júsipov shákirtterge Quran oqýdyń saýaby men artyqshylyqtaryn aıta otyryp, ilim jolynda sáttilik tiledi. Sosyn arnaıy sertıfıkattar men Quran Kárim kitabyn syıǵa tartty.

Sondaı-aq ókil ımam belsendi qyzmet atqaryp júrgen «Ár-Rahman» meshitiniń eki birdeı qyzmetkerine 160 myń teńge kóleminde aqshalaı syıaqy berip, taǵy bir qyzmetkerge Umra qajylyǵyna joldama tabystady. Onymen qosa, meshittiń tehnıkalyq ıgiligi úshin jumys isteýge arnalǵan sý jańa kompıýter syıǵa berildi.

Artynsha qulshylyq úıiniń bas ımamy Jandos Seıdahmetulynyń uıymdastyrýymen jamaǵat jaıylǵan aq dastarhan basynda ımanı áńgime-dúken quryp, ǵıbratqa toly suhbattar júrdi.

Источник: Aidos