Arab dalasyna Antarktıdadan aısberg ákelmekshi

Birikken arab ámirliginiń (BAÁ) National Advisor Bureau Limited kompanııasy Antarktıda qurlyǵynan Fýdjeıra jaǵalaýyna aısberg jetkizý týraly josparyna bıyl kirisetindikterin jarııalady. Alǵashqy synaq quny 80 mln dollardy quraıtyn bolmaq.

Atalmysh kompanııanyń arab dalasyna aısberg ákelý týraly jospary 2017 jyly jarııalanǵan bolatyn. Basty maqsat aısbergten taza sý óndirip, jergilikti klımatqa áser etý bolatyn. Kompanııa joramaly boıynsha alyp kólemdegi aısberg aımaqtaǵy jaýyn-shashyn mólsherine aıtarlyqtaı ózgeris jasaýy tıis.

Degenmen, kompanııa basshysy Abdýllla Mýhammed ál-Shehıdiń bul málimdemesine BAÁ Energetıka mınıstri qarsy shyǵyp, bul tek «qaýeset qana» dep baǵalaǵan bolatyn. Alaıda, ál-Shehı óziniń alǵa qoıǵan maqsatyna jetpeı tynbaıtynyn tanytyp, joba jaıly qoǵam arasynda talqylaýyn toqtatpaǵan edi. Byltyrǵy jyly ál-Shehı patent alǵandyǵy jáne osy jobaǵa oraı ǵylymı komıtet qurylǵandyǵyn aıtyp, súıinshi de suraǵan.

Al, jaqynda ótken telebaǵdarlama barysynda ál-Shehı óziniń jobasy jaıly keńrek toqtalyp, alǵashqy aısberg Keıptaýn (BAÁ) nemese Pert (Avstralııa) qalasyna jetkiziletini jaıly bólisti.