Árbir besinshi týrıst bul elge barǵysy keledi
Brıtanııalyq kompanııa mamandary júrgizgen saýalnama nátıjesi kórsetkendeı, árbir besinshi týrıst Saýd Arabııasy koroldigin kórýge qyzyǵady eken. Mamandar 9 521 janmen saýalnama júrgizgen. Nátıjesinde, Saýd Arabııasy boıynsha jańadan engizilgen vıza rejımi bastalǵaly beri AQSh, Kanada, Qytaı, Malaızııa jáne Brıtanııa elderiniń týrıstteriniń qyzyǵýshylyǵy qatty oıanǵanyn aıtady.
Saýalnamaǵa qatysqandardyń 22 paıyzy Qyzyl teńiz jaǵasynda ornalasqan kóne Jıdda shaharyn kórgisi keledi eken. Aıta keteıik, atalmysh shahar IýNESKO-nyń Búkilálemdik jádigerler tizimine engizilgen.
Al, Qytaıdan kelgen saıahatshylardyń úshten biri ál-Ýla qalasyna qatty qyzyǵýshylyq tanytqan. Saıahatshylardyń kóbisi, ıaǵnı 73 paıyzy koroldiktegi birneshe mekenin tamshalaýdy qup kórgen.
Saýd Arabııasynyń ulttyq jádigerler men týrızm jónindegi komıssııanyń dırektorlar keńesiniń tóraǵasy Ahmad Agıl ál-Hatıbtiń aıtýynsha, jańa vıza rejımi elge kelýshi týrıstter sany men ınvestıtsııa kólemine edeýir úles qosqan.
