ASTANA IMAMDARYNA «NEKE JÁNE OTBASY QUNDYLYǴY» ATTY SEMINAR BOLYP ÓTTI (FOTO)

Astana qalasynyń ımam, ustazdaryna arnalǵan «Neke jáne otbasy qundylyǵy» atty semınar bolyp ótti.

«Áljan ana» meshitinde ótken din qyzmetkerleriniń biliktiligin jetildirýge arnalǵan tájirıbelik jıynǵa Astana qalasynyń ókili, «Áziret Sultan» meshitiniń bas ımamy Erbolat Júsipov, QMDB sharıǵat jáne pátýa bóliminiń mamany, RANT múshesi Medet Qursaqov, «Áljan ana» meshitiniń bas ımamy Muratbek Muhtarhanuly jáne Astana qalasynyń ımam, ustazdary qatysty.

Basqosýda Medet Qurmashuly din qyzmetkerlerine erli-zaıyptylardyń arasyndaǵy qarym-qatynas, nekeniń sharttary, máhr máselesi men onyń túrlerin sóz etti. Búgingi qoǵamda týyndap otyrǵan erli-zaıyptylar arasyndaǵy negizgi túıitkilder de áńgimeniń arqaýyna aınaldy. Kezdesken qıyndyqtardy sharıǵat jolymen ońtaıly sheship, januıalyq qarym-qatynasty nyǵaıtýǵa jaǵdaı jasaý, otbasydaǵy zorlyq-zombylyq pen keleńsiz jaǵdaıattardy boldyrmaý sekildi máseleler qozǵaldy.

Jıynǵa qatysýshy din qyzmetkerleri sharıǵat jáne pátýa bóliminiń mamanynan ózekti saýaldarǵa jaýap alyp, pikirleri men usynystaryn ortaǵa saldy. Jıyn sońynda elimizdegi árbir otbasynyń tatýlyǵy men berekesin tilep, kópshilikpen duǵa jasaldy.

Derekkóz: muslim.kz

Источник: Aidos