«ASTANA» MEDRESE-KOLLEDJINIŃ ÚZDIK TÚLEKTERINE QARJYLAI SERTIFIKATTAR TABYSTALDY
Elordadaǵy «Astana» medrese-kolledjinde 2025–2026 oqý jylynyń bitirýshi túlekterine arnalǵan saltanatty dıplom tapsyrý rásimi aıasynda oqý úzdikterine qarjylaı sertıfıkattar tabystaldy.
Atalǵan sharaǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanuly arnaıy qatysyp izgi tilegin jetkizdi. Sondaı-aq oqý barysynda úzdik nátıje kórsetken shákirtterge qarjylaı sertıfıkattar tabystalyp, bilimge degen qulshynysy men eńbegin joǵary baǵalady.
Aıta keteıik, bıyl elimizdegi 9 medrese-kolledjdi jalpy 598 túlek támamdady. Onyń 340-y er, 258-i qyz bala. Qazirgi tańda 350 túlek dinı qyzmetke joldanyp, tıisti buıryqtaryn aldy. Sonymen qatar, birqatar bitirýshi «Nur-Múbarak» ýnıversıteti men Hýsamýddın as-Syǵanaqı atyndaǵy ıslam ınstıtýtynda bilimin jalǵastyrýdy josparlap otyr.
Bıyl «Astana» medrese-kolledjin 54 túlek aıaqtady. Onyń ishinde 27-si er, 27-si qyz bala. 2007 jyly negizi qalanǵan oqý ornyn búginge deıin 527 shákirt támamdap, elimizdiń rýhanı salasynda jemisti qyzmet atqaryp keledi.
