ASTANA QALASY ÓKILDIGI JARAPAZAN AITÝ ESTAFETASYNYŃ KÓShIN JALǴADY (FOTO)  

Qazaqstan musylmandary dinı basqarmasynyń aıasynda jyl saıyn ókildikter arasynda ótetin jarapazan aıtý Estafetasy bıyl da qyzý jalǵasyp, Astana qalasy ókildigi ıgi dástúrdiń kóshin Saryarqa tórinde jalǵady.

Astana qalasynyń ókili, «Áziret Sultan» meshitiniń bas ımamy Erbolat Júsipov bastaǵan ımam, ustazdar, óner juldyzdary, aq jaýlyqty ájeler men aqsaqaldar jurtshylyqty Ramazan aıymen quttyqtap, ózderiniń bata-tilekterin arnady. Ary qaraı Elordada ornalasqan saýda úıleri men jamaǵat kóp shoǵyrlanǵan jerlerde jarapazan jyryn aıtyp, halyqty qasıetti aımen súıinshiledi.

Qala bas ımamy Erbolat Nuryldauly óziniń alǵy sózinde: «Qadirmendi qazaq eli! Ózderińizge belgili Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly bıylǵy jyldy «Islam jáne dástúr qundylyǵy» jyly dep jarııalaǵan bolatyn. Paıǵambarymyz (Allanyń oǵan ıgiligi men sálemi bolsyn) qasıetti Ramazan aıy kirip kelgende «Úmmetim, sizderge qutty, berekeli aı kirip keldi», dep súıinshileıtin bolǵan. Dini men dástúrine bekem bolǵan bizdiń babalarymyz paıǵambardyń osy súıinshisin elge jarapazan jyry arqyly jetkizip otyrǵan. Biz, Astana qalasy ókildigi osy Estafetany Aqtóbe ókildiginen qabyl alamyz. Igi dástúrdiń kóshi búgin Saryarqa tórinde jalǵasady!», dep atap ótti.

Sýretterdi saıtymyzdyń «Fotogalereıa» aıdarynan kóre alasyzdar!