ASTANA QALASYNDA «QURAN – SARQYLMAS QAZYNA» SAIYSY ÓTTI (FOTO)

Astana qalasy ókildiginiń uıymdastyrýymen «Ál-Fáttah» meshitinde Quran Kárimniń 30-parasy boıynsha «Quran – sarqylmas qazyna» atty saıys ótti.

Sharaǵa Astana qalasynyń bas ımamy Erbolat Júsipov, QMDB Quran sektorynyń meńgerýshisi Ahmetov Serik qarı, «Áziret Sultan» meshitiniń naıb ımamy Sadyrhanov Jumanazar qarı, «Ábý Nasyr ál-Farabı» meshitiniń ustazy Nurıddın qarı Ábdisamatuly jáne basqa da din qyzmetkerleri men meshit jamaǵaty qatysty.

Is-shara basynda «Áziret Sultan» meshitiniń azanshysy Musabek qarı Erkinbek áýezdi únimen qasıetti Quran Kárim aıattaryn oqyp, kópshilikpen duǵa jasaldy. Saıysqa elorda meshitterinen iriktelgen 19 shákirt qatysyp, bilimderi men ónerlerin ortaǵa saldy. Qatysýshylar Quran aıattaryn jatqa jáne mánerlep oqý boıynsha synǵa tústi. Ádilqazylar alqasy oqylymnyń tazalyǵyna, tájýıd erejeleriniń saqtalýyna jáne mánerlilikke erekshe nazar aýdardy.

Saıys nátıjesinde úzdik dep tanylǵan shákirtterge arnaıy dıplomdar men qomaqty syılyqtar tabystalyp, barlyq qatysýshylarǵa yntalandyrý maqsatynda alǵys hat berildi. Atap aıtsaq, jeńimpazdar men olarǵa berilgen júlde qory tómendegishe:

I oryn – Haırýlla Abylaı (Respýblıkalyq Bas meshit), Umra qajylyǵy;

II oryn – Ádilet Maratuly («Ábý Nasyr Ál-Farabı» meshiti), 200 000 ₸;

III oryn – Jasulan Aıdosuly («Sádýaqas qajy Ǵylmanı» meshiti), 100 000 ₸;

Sondaı-aq, saıysty uıymdastyrýda demeýshilik jasaǵan qaıyrymdy jandarǵa ókildik atynan arnaıy alǵys bildirildi. Júldegerlerdi marapattaý rásiminde ádilqazylar alqasy jastarǵa Qurannyń mańyzdylyǵy men ony oqýdyń saýaby týraly nasıhat aıtyp, budan keıin de Quranǵa degen yqylas pen bilimderin jetildirý qajet ekenin tilge tıek etti.

Sýretterdi tolyǵyraq «FOTOGALEREIa» aıdarynan kóre alasyz!

Источник: Aidos