ASTANA QALASYNYŃ BAS IMAMY DÓŃGELEK ÚSTELGE QATYSTY (FOTO)

Astana qalasy Din isteri basqarmasynyń uıymdastyrýymen 1 maýsym Balalardy qorǵaý kúni jáne 4 maýsym QR memlekettik rámizder kúnine oraı arnaıy dóńgelek ústel ótti.

Qoǵamdyq uıymdardyń basshylary men joǵarǵy oqý oryndarynyń ustazdary bas qosqan jıynǵa QMDB Astana qalasynyń ókili, «Áziret Sultan» meshitiniń bas ımamy Erbolat Júsipov arnaıy shaqyrylyp, atalmysh jıynǵa qatysyp qaıtty.  

Shara barysynda búgingi kúni balalar arasynda jıi oryn alyp jatqan býllıng, lýdamanııa sekildi rýhanı dertter týraly sóz qozǵalyp, olardyń aldyn alý týraly naqty sheshimder men usynystar ortaǵa salyndy. Sondaı-aq, jasóspirimder arasyndaǵy fızıkalyq, psıhologııalyq qaqtyǵystardy boldyrmaý, otbasylyq ınstıtýttyń jumysyn nyǵaıtý máseleleri sóz boldy.

Sonymen qatar, memlekettik rámizderdiń tarıhy, qabyldanýy jáne ony qurmetteý týraly arnaıy baıandamalar oqyldy.

Shara sońynda mereke aıasynda búldirshinderdiń kókeıine qýanysh syılaý maqsatynda balalar úıiniń tárbıelenýshilerine syılyqtar tabystalyp, qatysýshylar estelikke fotosýretke tústi.