ASTANA QALASYNYŃ BAS IMAMY «ǴYLMANI» MEShITINDE JUMA ÝAǴYZYN AITTY (FOTO)
Qasıetti juma kúni Astana qalasynyń bas ımamy Erbolat Júsipov «Sádýaqas qajy Ǵylmanı» meshitinde juma namazyn júrgizdi. Elorda bas ımamy jamaǵatqa «Ashý – dushpan, aqyl – dos» taqyrybynda juma ýaǵyzyn aıtty.
Erbolat Nuryldauly «Halqymyz da «Ashý – dushpan» dep, onyń qarmaǵyna túsip qalýdan saqtandyrǵan. Kóbine ashý men aqyldy qatarlastyra sóılep, «Ashý kelse – aqyl keter», «Ashý – shabystyrady, aqyl – tabystyrady» dep tolǵaǵan babalarymyz. «Jaqsy adamnyń ashýy – sháıi oramal kepkenshe» degen de sóz bar halqymyzda» deı kelip, dinimiz ben dástúrimizdi ushtastyryp nasıhat aıtty.
«Kúsh-qýaty asyp-tasyǵan, naǵyz er júrek, batyr emes, naǵyz myqty – ashý-yzasyna ustamdylyq tanytyp, Alla tarapynan kelgen kez kelgen synaqqa sabyr ete bilgen adam» ekenin eske salǵan Erbolat Júsipov ashýdyń túrleri, ashýdy emdeýdiń joldary jaıly tushymdy oı-pikilerimen bólisti.
