Astana qalasynyń bas ımamy «Sádýaqas qajy Ǵylmanı» meshitinde boldy
Astana qalasynyń bas ımamy Erbolat Júsipov bastaǵan ókildik mamandary jumys josparyna sáıkes elordadaǵy «Sádýaqas qajy Ǵylmanı» meshitinde boldy.
Kezdesý barysynda meshit ujymynyń atqaryp jatqan qyzmeti men jamaǵatpen júrgizilip otyrǵan rýhanı-aǵartýshylyq jumystary tanystyryldy. Meshittiń bas ımamy Rýslan Baızaqov jamaǵatpen baılanys, jastar tárbıesi jáne áleýmettik baǵyttaǵy bastamalar tóńireginde atqarylyp jatqan isterge toqtaldy.
Basqosý kezinde dinı qyzmet sapasyn arttyrý, ýaǵyz-nasıhat jumystaryn júıeleý jáne meshittiń qoǵammen baılanysyn nyǵaıtý máseleleri talqylandy. Sonymen qatar ımamdardyń jaýapkershiligi, jamaǵatpen qarym-qatynas mádenıeti jáne dinı-aǵartýshylyq baǵyttaǵy jumystar sóz boldy.
Qala bas ımamy kóbirek shákirt tárbıeleýdiń mańyzyn atap ótip, din men dástúr sabaqtastyǵyn nasıhattaý baǵytyndaǵy jumystardy kúsheıtý qajet ekenin aıtty. Sondaı-aq alda kele jatqan Qurban aıt merekesine tyńǵylyqty daıyndalý kerektigine nazar aýdardy.
Sapar aıasynda qala bas ımamy jamaǵatpen kezdesip, besin namazynan keıin nasıhat aıtty. Ýaǵyz barysynda aýyzbirshilik, izgilik jáne rýhanı tárbıe taqyryptaryna toqtaldy.
