ASTANA QALASYNYŃ DIN QYZMETKERLERI RÝHANI KELISIM KÚNINE ORAI JIYNǴA QATYSTY

Rýhanı kelisim kúnine oraı Astanada kórnekti kompozıtor, Qazaqstannyń mádenıetine eleýli úles qosqan Tólegen Muhamedjanovtyń shyǵarmashylyq keshi ótti.

Is-shara E. Rahmadıev atyndaǵy Memlekettik akademııalyq fılarmonııanyń kontsert zalynda uıymdastyryldy. Is-sharaǵa QMDB Astana qalasy ókildiginiń atynan din qyzmetkerleri Hamıt Myrzageldıev pen Iahııa qajy Ismaılov, Ómirzaq qajy Qazkenuly qatysty.

Kezdesý qarsańynda «Qamqor-Astana» qoǵamdyq qorynyń dırektory men elordadaǵy dinı birlestikterdiń ókilderi kompozıtor Tólegen Muhamedjanovpen júzdesti. Basqosýda rýhanı qundylyqtar, mádenıet pen ónerdiń qoǵamdaǵy orny, beıbitshilik pen kelisimdi nyǵaıtý máseleleri talqylandy.

Aıta keteıik, Rýhanı kelisim kúni 1992 jyly Almatyda ótken Birinshi Dúnıejúzilik Rýhanı kelisim kongresiniń bastamasymen belgilengen. Bul kún qoǵamdaǵy tatýlyqty, ózara qurmet pen dinaralyq kelisimdi dáripteıdi.

Источник: Aisha