ASTANA JAMAǴATYNA «MUFTYAT» BASPASYNYŃ KITAPTARY TANYSTYRYLDY (FOTO)

«Áziret Sultan» meshitinde jamaǵatqa «Muftyat» baspasynyń kitaptary tanystyryldy. Sharaǵa QMDB Tóraǵasynyń orynbasary, naıb múftı Kenjetaı Baıkemeluly, naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly, Din men dástúr bóliminiń meńgerýshisi Nurbek Áýeshanuly,  «Muftiyat» baspasynyń dırektory Murat Manapuly Astana qalasynyń jáne «Áziret Sultan» meshitiniń bas ımamy Erbolat Júsipov jáne meshit jamaǵaty qatysty.

Jıynda dinimiz ben dástúrimizdi dáripteıtin QMDB Tóraǵasy, Bas múftı Naýryzbaı qajy Taǵanulynyń bastamasymen «Muftyat» baspasynan jaryq kórgen baǵaly eńbekterdiń mańyzy men qundylyqtary sóz etildi. Atap aıtsaq olar «Babalar izimen: Qazaq dalasyndaǵy musylmandyq mektep» jáne «Din men dástúr» kitabynyń jaqynda ǵana jaryq kórgen III tomy.

Meshit aqsaqaldarynyń qatysýymen baǵaly kitaptardyń lentasy qıylyp, jamaǵatqa taratyldy. Sondaı-aq jıyn sońynda kópshilikpen duǵa-tilekter jasaldy.

Aıta ketsek, «Muftyat» baspasynan asyl dinimiz Islam men ǵasyrlar boıy halqymyzdyń turmystyq ǵurpynda qalyptasqan salt-dástúrlerimizdi jan-jaqty qamtıtyn kitaptar kóptep basylyp keledi.

Sýretterdi «FOTOGALEREIa» aıdarynan kóre alasyzdar!

Источник: Aidos