ASTANADA «ATALAR MEKTEBINIŃ» AQSAQALDARY BAS QOSTY (FOTO)
Qazaqstan musylmandary dinı basqarmasy Astana qalasy ókildiginiń uıymdastyrýymen «Áziret Sultan» meshitiniń aqsaqaldarynan quralǵan «Atalar mektebi» basqosý jıynyn ótkizdi.
Kezdesýde Astana qalasynyń ókili, «Áziret Sultan» meshitiniń bas ımamy Erbolat Júsipov QMDB aıasyndaǵy atalmysh joba qazaqtyń ulttyq qundylyqtaryn jańǵyrtý, óskeleń býyn arasynda ımandylyq pen tálim-tárbıe berýde atalar ınstıtýtynyń orny erekshe ekenin atap ótti. Jáne jıynǵa qatysýshy kópti kórgen aqyly darııa qarııalarǵa óz alǵysy men jyly lebizin bildirdi.
Eske salsaq, «Islam jáne dástúr qundylyǵy» jyly aıasynda QMDB Tóraǵasy, Bas múftı Naýryzbaı qajy Taǵanulynyń bastamasymen elimizdiń barlyq óńirlerinde buqara halyqqa jáne jastarǵa aqyl-keńes aıtatyn «Atalar mektebi» qurylǵan bolatyn.
