ASTANADA «IZGILIK JARShYSY ÁZ MUHAMMED ﷺ» ATTY MÁÝLIT KEShI ÓTEDI

Qazaqstan musylmandary dinı basqarmasy Astana qalasy ókildiginiń uıymdastyrýymen qazaq aıynyń 19-juldyzynda Elorda tórindegi Beıbitshilik jáne kelisim saraıynda «Izgilik jarshysy Áz Muhammed ﷺ» atty rýhanı Máýlit keshi ótedi.

Ardaqty Paıǵambarymyzdyń (Oǵan Allanyń salaýaty men sálemi bolsyn) ónegeli ómiri men tálim-taǵylymy jyrlanyp, sansyz salaýattar joldanatyn saýapty keshte túrli sahnalyq qoıylymdarmen qatar, ǵıbratty nasıhat aıtylyp, án men jyrdan shashý shashylmaq.

Aıtýly keshke elimizge belgili óner juldyzdary jáne Astana qalasy teatrlarynyń, atap aıtqanda Q.Qýanyshbaev atyndaǵy qazaq memlekettik akademııalyq mýzykalyq drama teatry, Jastar jáne Astana Musical teatrynyń akterleri óz ónerlerin pash etip, túrli taqyryptardaǵy qoıylymdar usynady.

Kesh aıasynda Qazaqstan musylmandary dinı basqarmasynyń uıymdastyrýymen Respýblıkalyq «Din men dástúr» músháırasynyń qorytyndysy jarııalanyp, júldegerler sahna tórinde marapattalatyn bolady.

Máýlit keshiniń bıletterinen túsken qarajat túgelimen qaıyrymdylyqqa arnalyp, kesh sońynda 10 adamǵa «Máýlit syılyǵy» beriledi.

Bıletterdi Astana meshitterinen satyp alýǵa bolady.

Источник: Aidos