Astanada meshit shákirtteri semınarǵa qatysty

31 qańtar 2023 1733 0
Оqý rejımi

Astana qalasynyń «Kóktal» meshitinde elorda meshitteriniń belsendi shákirtterine arnalǵan «Belsendi jas – ádiletti qoǵam uıytqysy» taqyrybynda semınar ótti.

Qasıetti Quran Kárim aıattaryn oqýmen bastalǵan sharaǵa «Áziret Sultan» meshitiniń naıb ımamy Ádilhan Imanáliuly jáne «Dinderdi zertteý ortalyǵynyń» bólim meńgerýshisi Almas Ázimhanuly jyly lebizderin bildirdi.

Sondaı-aq semınarda EUÝ dintaný kafedrasynyń dotsenti, fılosofııa ǵylymdarynyń kandıdaty, QMDB sarapshylar keńesiniń múshesi Keńshilik Tyshhanuly men Sáken Seıfýllın atyndaǵy Agro-tehnıkalyq ýnıversıteti Jastar Isi departamenti qyzmetkeri, teolog-maman Erǵalı Zaıthanuly arnaıy dáris oqyp, jastardyń suraqtaryna jaýap berdi. Bilim-ǵylym, óner, adamgershilik, otansúıgishtik jaıly oı qozǵaǵan spıkerler Qazaqstannyń damyp-órkendeýine árbir jastyń úles qosýyna múmkindiktiń mol ekenin atap ótti.

Shara barysynda ınternettiń paıdasy men zııany, jahandaný, Ekologııalyq problemalar syndy ózekti taqyryptar beıne-rolık arqyly kórsetilip, máseleni tereńirek taldaýǵa múmkindik jasaldy. Internetke, telefonǵa baılanǵan jastardy kitap oqýǵa daǵdylandyrý kerek ekenin aıtqan ustazdardyń sózine oraı meshit shákirtterin yntalandyrý maqsatymen «Kóktal» meshitinen álippe úırenip, Quranǵa túsken 13 shákirtke sertıfıkat tabystalyp, Quran Kárim syıǵa berildi.

 

Pіkіrler Kіrý