ASTANADA «SALAÝATTY JAMAǴAT» ULTTYQ SPORT SAIYSY ÓTTI (FOTO)

11 qarasha 2024 521 0 Оqý rejımi

QMDB Astana qalasy ókildiginiń uıymdastyrýymen «Din men dástúr» baǵyty aıasynda elordadaǵy «Ulytaý» sport kesheninde ulttyq sport túrlerinen «Salaýatty jamaǵat» atty saıys bolyp ótti.

Sharaǵa QMDB Din men dástúr bóliminiń meńgerýshisi Nurbek Áýeshanuly, Astana qalasynyń jáne «Áziret Sultan» meshitiniń Bas ımamy Erbolat Júsipov, Astana qalasy Din isteri basqarmasynyń Dinı birlestiktermen jumys bóliminiń basshysy Basır Sultanbeıbars Asanuly jáne elorda meshitterinen quralǵan komandalar at salysty.

Jamaǵat arasyndaǵy aýyzbirshilik pen yntymaqty arttyrýǵa jáne ulttyq sport túrlerinen nasıhattaýǵa baǵyttalǵan saıysta asyq atý, sadaq atý, arqan tartys, láńgi tebý, kir (gır) kóterý, qol kúres oıyndary oınatyldy.

Sondaı-aq jas aıtysker aqyn Nazar Mısalbek arnaıy arnaý aıtty.

Jarys sońynda jeńimpazdar sport túrlerinen jekeleı marapattalyp, al, barlyq sport túrlerinen eseptik kórsetkish boıynsha belsendilik tanytqan úsh meshitke 1,2,3 oryn boıynsha marapattaý berildi. Iaǵnı, oryn alǵan meshitter tómendegishe:

Bas meshit – I oryn;
«Sádýaqas qajy Ǵylmanı» meshiti - II oryn;
«Tólebaı» meshiti - III oryn;

Sýretterdi «FOTOGALEREIa» aıdarynan kóre alasyzdar!