ASTANADA «TEKTILIK – ASYL QASIETIMIZ» RESPÝBLIKALYQ KONFERENTsIIaSY ÓTTI
Búgin elordada Qazaqstan musylmandary dinı basqarmasynyń uıymdastyrýymen «Tektilik – asyl qasıetimiz» taqyrybynda respýblıkalyq konferentsııa ótti.
«Islam jáne dástúr qundylyǵy» jyly aıasynda ótken jyldyń qorytyndy jıynyna QMDB Tóraǵasy, Bas múftı Naýryzbaı qajy Taǵanuly, Parlament Senatynyń depýtaty Nurtóre Júsipov, Din isteri komıtetiniń tóraǵasy Erjan Nukejanov, ǵalym, professor Serik Negımov, Ulttyq quryltaı múshesi, bıologııa ǵylymdarynyń doktory, professor Kúnsulý Daltonqyzy, ǵylym doktory Maqsat Sqaqov jáne zııaly qaýym ókilderi, qoǵam belsendileri men ımamdar, din qyzmetkerleri qatysty. Konferentsııada alǵysóz sóılegen Bas múftı Naýryzbaı qajy Taǵanuly:
«Basqosýymyzǵa arqaý bolyp otyrǵan tektilik uǵymy – óte aýqymdy, tarqatyp aıta berseń taýsylmaıtyn taqyryp. Tektilik – adamnyń tabıǵatynan, tárbıesinen jáne qorshaǵan ortasynan daryǵan asyl qasıetterdiń jıyntyǵy. Bul uǵym qazaq halqynyń rýhanı jáne mádenı ómirinde erekshe oryn alatyny daýsyz. Tektilik atadan balaǵa mıras bolyp qalatyn adamgershilik pen uıattyń, ádildik pen ar-namystyń, aqyl-parasat pen bilimdiliktiń úılesimdi kórinisi» dedi.
Aıta keteıik, konferentsııaǵa qatysqan spıkerler tektilik uǵymyna qatysty pikir bólisip, onyń qazaqy tanym-túsiniktegi jáne sharıǵatty mánin keńinen talqylady.
