Áıel shákirtter arasynda duǵa jattaýdan jarys ótti (FOTO)

Búgin Nur-Sultan qalasyndaǵy «AQMESHIT» meshitinde áıel shákirtter arasynda «Duǵa – musylmannyń qorǵany» atty saıys bolyp ótti. Meshit ustazdarynan dinı dáris alatyn qyz-kelinshekter arasynda uıymdastyrylǵan saıys barysynda úmitkerler kúndelikti oqylatyn duǵalardy qanshalyqty biletindigin pash etip, qazaqsha maǵynasyn da túsindirip berip otyrdy.

Duǵalardyń durys oqylýyn qadaǵalap, úmitkerlerdiń bilimin saraptaý tóreligi «Áziret Sultan» meshitiniń ustazdary Gúlsara Beket pen Nurǵalıeva Dınara jáne «Nur Astana» meshitiniń ustazy Qajymálikqyzy Qarlyǵash hanymdarǵa júkteldi. Birneshe bólimnen turatyn saıys qorytyndysy ortaq upaı sanymen esepteldi. Sondaı-aq, qazylar alqasynyń qosymsha suraqtary da úmitkerler bilimin jan-jaqty kórsetýge múmkindik berdi.

Qorytyndy esep boıynsha «Duǵa – musylmannyń qorǵany» saıysynyń júldeli III orny Álıbaeva Kúláıǵ buıyrsa, Esim Aıkúnim II orynǵa laıyq dep tanyldy. Saıys suraqtarynan súrinbeı ótip, upaı sanymen alǵa shyqqan Pernebaeva Názigúl I oryn ıelenip, jarys jeńimpazy atandy.

Sýretterdi «FOTOGALEREIa» aıdarynan kóre alasyzdar!