ÁIEL JAMAǴATYNA «ÁIEL SAÝLYǴY – QOǴAM QUNDYLYǴY» ATTY SEMINAR ÓTTI (FOTO)

«Áziret Sultan» meshitindegi «Inabat» qyz-kelinshekter klýbynyń uıymdastyrýymen «Áıel saýlyǵy – qoǵam qundylyǵy» atty kezdesý ótti.

Semınarǵa psıholog Gúlnur Temirbekqyzy jáne gınekolog Aınur Begen qatysty. Olar áıel-qyzdarǵa densaýlyqtyń qadiri jóninde aıtyp, psıhologııalyq, medıtsınalyq keńesterimen bólisti. Sondaı-aq, meshit ustazdary Elmıra Serikbaıqyzy men Ásel Dúısebekqyzy júrek tazalyǵy, Quran oqýdyń artyqshylyǵy jóninde nasıhat aıtty.

Kezdesý barysynda adamnyń ózine degen senimdiligi, ózin-ózi baǵalaý, nápsimen kúres sekildi taqyryptar boıynsha dinmen baılanystyra tushymdy dúnıeler aıtyldy. Shákirtter arnaıy shaqyrylǵan mamandarǵa óz suraqtaryn qoıyp, ózara pikir almasty.  

Aıta keteıik, «Inabat» qyz-kelinshekter klýbynyń uıytqy bolýymen mundaı semınarlar jıi ótkizilip turady. Meshit ustazdary kezdesý barysynda áıel jamaǵatynyń dinı bilimin ǵana arttyryp qoımaı, túrli ǵylym salasynyń mamandaryn arnaıy shaqyryp, kezdesý ótkizýdiń paıdasy zor ekenin aıtty. Jıyn sońynda «Inabat» klýby meshit qonaqtaryna óz rızashylyqtaryn bildirip, «Ihsan» kitabyn syıǵa tartty.

Источник: Aidos