«Áziret Sultan» meshitinde aqsaqaldar men aq jaýlyqty analarǵa arnalǵan rýhanı kezdesý ótti

Astana qalasynyń bas ımamy Nurbek Áýeshanulynyń bastamasymen qasıetti Qurban aıt merekesine oraı «Áziret Sultan» meshitinde aqsaqaldar men aq jaýlyqty analarǵa arnalǵan rýhanı kezdesý uıymdastyryldy.

«Atalar mektebi» men «Ájeler mektebi» aıasynda ótken jıynda jamaǵattyń aqsaqaldary men ardaqty analar aq dastarhan basynda bas qosyp, rýhanı suhbat órbitti.

Kezdesý barysynda Astana qalasyna jańadan taǵaıyndalǵan bas ımam Nurbek qajy Áýeshanuly aqsaqaldar qaýymy jáne aq jaýlyqty analarmen júzdesip, batalaryn aldy. Sonymen qatar el birligi, urpaq tárbıesi, din men dástúr sabaqtastyǵy jáne qoǵamdaǵy úlkenderdiń ónegesi jaıynda taǵylymdy oılar aıtyldy.

Bas ımam óz sózinde Qurban aıt merekesiniń baýyrmaldyq pen meıirimdi arttyratyn ulyq meıram ekenin atap ótip, úlkenge qurmet pen kishige izet kórsetý – qazaq halqynyń asyl qundylyǵy ekenin jetkizdi.

Jıyn barysynda aqsaqaldar men analar tarapynan aq tilekter aıtylyp, el amandyǵy men jurt tynyshtyǵyna duǵa jasaldy.