«Áziret Sultan» meshitinde qaıyrymdylyq jármeńkesi ótti (FOTO)

Respýblıkalyq «Áziret Sultan» meshitinde qasıetti juma kúni «Keń bolsań, kem bolmaısyń!» atty qaıyrymdylyq jármeńkesi ótti.

Bul berekeli bastama QMDB Nur-Sultan qalasy ókildigi Áıel-qyzdar sektorynyń uıymdastyrýymen qolǵa alyndy. Muqtajdarǵa qol ushyn beýdi kózdegen jármeńkede aspazdardyń qolynan shyqqan taǵam túrleri men táttiler, kıim-keshek, qol-óner buıymdary jáne jamaǵattyń kádesine jaraıtyn ónimder usynyldy.

Aıta ketsek, bas meshitte ár juma kúnderi úrdis boıynsha qaıyrymdylyq jármeńkesi ótkizilip turatyn. Tek álem jurtshylyǵyna tóngen indet saldarynan toqtap qalǵan bolatyn. Mine, Allanyń qalaýymen bul ıgi bastama qaıta qolǵa alynyp otyr. Endi násip bolsa, aldaǵy ýaqytta da jalǵasyn tabatyn bolady.