«Áziret Sultan» meshitinde Quran Kárimdi jatqa oqýdan V respýblıkalyq saıysqa irikteý ótti

Elorda tórindegi «Áziret Sultan» meshitinde áıel-qyzdar arasynda Quran Kárimdi jatqa oqýdan V respýblıkalyq baıqaýǵa irikteý kezeńi «5 para» atalymy boıynsha ótti.

Qazylar alqasynda «Áziret Sultan» meshitiniń ustazy, Quran sektoryna jaýapty maman Ersaıyn Qabylqanuly, Astana qalasy Áıel-qyzdar sektorynyń jetekshisi Kúlsara Beket, meshittiń azanshysy Musabek Erkinbek jáne naıb ımamy Abdýlahad Smanov tórelik etti. «Áziret Sultan» meshitiniń naıb ımamy Mahmud Qasym moderatorlyq etip, keshtiń tizginin aldy.

Irikteýge jas qarılar qatysyp, qasıetti Quran aıattaryn jatqa oqý boıynsha ózara baq synasty. Qatysýshylardyń bilim deńgeıi men tájýıd erejelerin saqtaýyna bilikti qazylar alqasy baǵa berdi.

Nátıjesinde:

• Bolat Ińkar – 1 oryn ıegeri;
• Bogatyreva Raıana, Bogatyreva Iasmına, Elýbaı Arýjan – alǵys hatpen marapattaldy.

Sharanyń basty maqsaty – áıel-qyzdar arasyndaǵy Quran jattaýdy nasıhattaý, olardyń bilimin jetildirý jáne respýblıkalyq deńgeıdegi baıqaýǵa úzdikterdi anyqtaý.

Sýretterdi «Fotogalereıa» aıdarynan kóre alasyz!

Источник: Aisha