«ÁZIRET SULTAN» MEShITINDE «RAMAZAN JÁNE BAS IMAM SAǴATY» ÓTIP JATYR (FOTO)

Elordadaǵy «Áziret Sultan» meshitinde Ramazan aıyna oraı uıymdastyrylyp jatqan «Ramazan jáne bas ımam saǵaty» aıdary aıasyndaǵy ýaǵyz-nasıhat kezdesýleri turaqty túrde ótkizilýde.

Kezekti kezdesýde besin namazyna jınalǵan jamaǵatqa Astana qalasynyń bas ımamy Erbolat Nuryldauly qasıetti Ramazan aıynda jasalatyn saýapty amaldardyń mańyzy týraly nasıhat aıtyp, Islam tarıhyndaǵy izgi tulǵalardyń ónegeli ómirinen taǵylymdy mysaldar keltirdi.

Rýhanı mazmunǵa toly kezdesýde jamaǵat paıdaly ári tanymdyq málimetter alyp, qasıetti Ramazan aıynyń qadir-qasıeti men tárbıelik mánin tereńirek túsindi.

Aıta keteıik, Qazaqstan musylmandary dinı basqarmasy bastamasymen júzege asyp jatqan «Ramazan jáne bas ımam saǵaty» jobasy Astana qalasy ókildigine qarasty barlyq meshitterde ótkizilip, jamaǵattyń dinı saýatyn arttyrýǵa baǵyttalǵan.