«Áziret Sultan» meshitine jańa qyzmetkerler taǵaıyndaldy (FOTO)

26 qazan 2020 1091 0
Оqý rejımi

Búgin Nur-Sultan qalasyndaǵy respýblıkalyq «Áziret Sultan» meshitine Bas múftı Naýryzbaı qajy Taǵanulynyń buıryǵyna sáıkes jańa qyzmetkerler taǵaıyndaldy. Meshit bas ımamy Erbolat Júsipov jańa qyzmetkerler jaıly aptalyq jınalys barysynda málim etip, Temirlan Darhanuly men Meırambek Qabylbekulyn ujymmen tanystyrdy.

Aıta keteıik, Bas múftı buıryǵyna sáıkes Ibraev Temirlan Darhanuly búginnen bastap «Áziret Sultan» meshitiniń naıb ımam qyzmetine kiristi. 2010-2013 jyldary «Astana» medrese-kolledjinde dinı saýat ashqan Temirlan Darhanuly 2013-2016 jyldary Stambýl qalasyndaǵy (Túrkııa) «Hasekı» bilim ordasyn «Islamtaný» mamandyǵy boıynsha bilim alǵan. Oqý bitirisimen elge oralyp, bir kezderi ózi bilim alǵan «Astana» medresesine qyzmetke ornalasqan Temirlan Darhanuly sodan beri ustazdyq salasynda jemisti jumys atqaryp kelgen. Osy jyldar aralyǵynda ol Qaraǵandy qalasyndaǵy Qaztutynýodaǵy Ekonomıkalyq ýnıversıtetin «Quqyqtaný» mamandyǵy boıynsha jáne Evrazııa Ulttyq Ýnıversıteti «Dintaný» mamandyǵy boıynsha magıstratýrasynda qosymsha bilim jetildirgen.

Sondaı-aq, buǵan deıin «Áziret Sultan» meshitiniń «Sharýashylyq meńgerýshisi» qyzmetinde bolǵan Rsymov Meırambek Qabylbekuly «Is basqarýshy» qyzmetine taǵaıyndaldy. OQO Báıdibek aýdandyq sotynda maman-ınspektor, jetekshi maman, bas maman sot-májilisiniń hatshysy, Astana qalasy Saryarqa aýdandyq sotynda bas maman sot-májilisiniń hatshysy, «Damý kásipkerlikti damytý qory»  AQ-nyń OQO Báıdibek aýdandyq fılıalynda zańger-konsýltant, «Atameken» UKP-nyń OQO Báıdibek aýdandyq fılıalynda zańger-konsýltant, OQO Advokattar alqasynda kómekshi advokat, «Fermerler Odaǵy» RQB-niń OQO Báıdibek aýdandyq fılıalynyń tóraǵasy, Astana qalalyq sotynyń uıymdastyrý-taldaý bóliminde maman, «Jemqorlyqqa qarsy halyqtyq komıtet» QQ-nyń Astana qalasy boıynsha ókili, «BES ASYL» JShS quqyqtyq qyzmet kórsetý fırmasynyń dırektory, «Imandy Bi» Medıatsııa ortalyǵynyń dırektory, kásibı medıator, «Astana qalasy ákimdiginiń «Din máselelerin zertteý ortalyǵy» KMM-de zańger qyzmetterin jemisti atqarǵan Meırambek Qabylbekuly sońǵy eki jyl ishinde «Áziret Sultan» meshitiniń sharýashylyq meńgerýshisi retinde jemisti jumys jasap kelgen bolatyn.

Pіkіrler Kіrý