«ÁZIRET SULTAN» MEShITINEN 600 ÁIEL ShÁKIRT TÚLEP ShYQTY (FOTO)

Astana qalasyndaǵy «Áziret Sultan» meshitinde bir jyl boıy Qurannan dáris alyp kelgen 600 áıel shákirt kýrsty aıaqtady.

Osyǵan oraı qulshylyq ordasynda «Imanı túlek» aıdarymen shákirtterdi marapattaý rásimi ótti. Saltanatty jıynǵa Astana qalasynyń ókili, «Áziret Sultan» meshitiniń bas ımamy Erbolat Júsipov, Astana qalasy «Áıel-qyzdar» sektorynyń jetekshisi Elmıra Serikbaıqyzy, «Ájeler mektebi» klýbynyń jetekshisi Kúlsara Beket jáne meshit ustazdary men shákirtter qatysty.

Áýeli «Áziret Sultan» meshitiniń naıb ımamy Omar Salımbekov Quran aıattaryn oqyp, sonymen ıgi sharanyń shymyldyǵy ashyldy. Qala bas ımamy Erbolat Nuryldauly názik jandy shákirtterdi quttyqtap, aldaǵy bilim saparynda sáttilik tiledi. Artynsha sertıfıkat tabystaý rásimi ótip, meshit ustazdary shákirtterge Quran Kárim kitabyn syıǵa tartty. Sondaı-aq bilim alýda tanytqan yjdahattylyǵy úshin alǵystaryn aıtyp, aq batasyn berdi. Kesh sońynan barlyq shákirtter men ustazdar qaýymy estelikke fotosýretke tústi.

Sýretterdi «FOTOGALEREIa» aıdarynan kóre alasyz!

Источник: Aidos