«ÁZIRET SULTAN»: QURBAN AITTA «ÁJELER ORKESTRI» ÓNER KÓRSETTI (FOTO)

«Áziret Sultan» meshitiniń ustazy, meshit janyndaǵy «Ájeler mektebi» klýbynyń jetekshisi Kúlsara Beketqyzynyń uıymdastyrýymen musylmandardyń ulyq merekesi - qasıetti Qurban aıt kúni qazaqy kıiz úı tigilip, ájelerden quralǵan dombyralyq orkestr jamaǵatqa kúı shashý jasap, óz ónerlerin kórsetti.

Aıt namazynan shyqqan jamaǵat bir-birin merekemen quttyqtap, dombyradan kúmibirlep tógilgen kúıge qulaq quryshyn qandyryp, merekelik kóńil-kúıge bólendi.

Sondaı-aq, kıiz úı janynda tegin baýyrsaqtar men ulttyq taǵam túrleri taratylyp, jamaǵatqa aıttyq berildi. Meshit ımamdary ustaz Kúlsara Beketqyzy men ájeler qaýymyna óz alǵystaryn aıtyp, din men dástúr baǵytynda uıymdastyrylyp jatqan ıgi sharalarǵa rızashylyqtaryn bildirdi.